Arrigorriagako Udal Euskaltegia HABEk eta Arrigorriaga eta Ugao-Miraballeseko Udalek sortu zuten 1986ko irailean. Zenbait irakaslek hasiera horretatik ezagutzen dugu egindako bidea eta, atzera begiratuz gero, hasiera hari erreparatuz gero, argi dago gauza asko aldatu dena: euskaltegiaren itxura, ikasle-mota, irakasleria, denon motibazio eta dedikazioa, programa edo programazioak, baliabideak, klasea emateko era... Bilakaera horren ondorioz, irakasleen prestakuntza, esperientziaz gain, gaur egun instalazio modernoak ditugu, gaur eguneko teknologiak eskaintzen dizkigun aukera guztiez hornituta.

      Hasieratik egoitza berean egon gara (Argala enparantza, 2), baina inguruko herri eta auzoetaraino joan gara eskolak ematera (Ugao-Miraballes, Abusu-LaPeña), baita zenbait erakunde eta enpresataraino ere (Zaratamoko Berritzegunea, Ur Partzuergoa, Ugaoko eskolak).  

    1986an 100 bat ikasle hasi baziren ere, urterik urte kopuru hori handituz joan zen eta batez beste 200 bat ikasle matrikulatzen urtero. Horrela, bada, hogei urte hauetan 3000 ikasletik gora etorri da  gure euskaltegira euskara ikastera. Horretarako, ikasleei ahalik eta zerbitzurik egokiena eskaintzen ahalegintzen gara  plantilako zuzendari,  irakasle eta  idazkariak

    Euskaltegia zerbitzu publikoa da eta Arrigorriagako Udalak kudeatzen du erakunde autonomiadun baten bidez. Erakunde horretan gobernu batzorde bat dago eta ondoko hauek osatzen dute: Udaleko ordezkari politikoek, HABEko ordezkariak, euskaltegiko zuzendariak, irakasleen eta ikasleen ordezkariek eta Ugao-Miraballeseko ordezkari batek.