Zer egiten dugun

Helduak euskaldundu eta alfabetatu euskararen normalizazioan eragiteko.

Euskara agiriak eta baliokidetzak

HABEko mailak egiaztatzeko deialdi bi egingo dira: maiatzean eta urrian.

Bete beharreko baldintzak:

Euskaltegian matrikulatuta egotea
1. mailaren azterketa egin ahal izateko: 6. urratsa gaindituta izatea
2. mailaren azterketa egin ahal izateko: 9. urratsa gaindituta izatea
3. mailaren azterketa egin ahal izateko: 12. urratsa gaindituta izatea

	HEOK	Erreferentzia puntuak
1.maila	Lehenengo maila burutzerakoan, ikaslea gai izango da eguneroko testuinguru ezagunetan eta gai orokor eta arruntei buruzko kontaketa eta narrazio sinpleak, instrukzioak, pertsona eta objektuen deskribapen laburrak ulertu eta, ahoz nahiz idatziz, adierazteko. Halaber, eguneroko harreman hurbilen inguruan, solasaldietan parte hartzeko gai izango da. Dena den, testuaren mezu nagusia eta orokorra jaso/adieraziko du; eta zenbaitetan, helburuaren arabera eta testuaren egiturak bideratzen duenean, informazio xehea ere jasoko du.	Gutxieneko maila da, oinarrizko gaitasun komunikatiboaren adierazle, gutxieneko bermea, nolabait esateko. EGArako prozesuaren erdian koka genezake. 1. hizkuntz eskakizuna (1HE)
2.maila	Bigarren maila burutzerakoan, ikaslea gai izango da ohiko gai eta egoera ezagunei buruzko solasaldi eta jardunak, narrazioak, deskribapenak, instrukzioak eta azalpen laburrak ulertu eta, ahoz nahiz idatziz, adierazteko. Dena den, zailtasunak izango ditu ñabardurak jaso eta adierazterakoan.	Gizartean ditugun erreferentziei begiratuz, 2. hizkuntz eskakizuna (2HE) edo hezkuntzako PL1
3.maila	Hirugarren maila burutzerakoan, ikaslea gai izango da kultura orokorraren mailan edozein euskal hizketa ulertzeko , baita zuzentasunez, egokitasunez eta aberastasunez komunikatzeko ere. Saiakera arruntak, ipuinak, nobelak, etab. ulertuko ditu; gutunak, artikulu laburrak, testu errazak eta antzekoak ere idazteko gai izango da. Hala ere, zailtasunak izango ditu gai espezializatuei eta erregistro bereziei buruzko testuak jaso eta adierazteko.	Erreferentzia puntua EGA
4.maila	Laugarren maila burutzerakoan, ikaslea gai izango da kultura-maila goreneko eta norbere espezialitateko gaien inguruan elkarrizketa mantentzeko eta iritziak eta azalpenak emateko. Halaber, testu espezialduak bere osotasunean jasoko ditu; eta, hizkuntza formalean nahiz informalean egoerari egokituz eta arrakasta lortzeko moduan, era guztietako testuak zuzen, zehatz eta jator idazteko gai izango da. Euskalkietako berbaldiak eta idatzizko testuak ere ulertzeko gai izango da.	EGAtik gorakoa. Kultura-maila altuagoan euskaraz komunikatzeko gaitasuna (euskara profesionala, zientifikoa...)